[Refrain]
Wås ma im Leb’n imma treu bleibt
Is‘ da Blues, is‘ da Blues, is‘ da Blues …
Wås mi‘ im Leid’n noch voråntreibt
Is‘ da Blues, is‘ da Blues, is‘ da Blues …

Schon des Morgens mieselsüchtig
G’spiat ma’s erst des Leb'n so richtig
Singt den Blues, jå, den Blues, jå, den Blues

Des oide Liad, des imma gleich bleibt
Is‘ da Blues
Da blede Schmäh, der imma seicht bleibt
Is‘ da Blues
Wånn a Oama imma oam blei'm
Und a Reicha imma gleicha werd’n muss
Dånn is‘ mit Lustig Schluss
Uns bleibt da Blues

[Refrain]
Wås i‘ no nie zu lång vermisst håb
Is‘ da Blues, is‘ da Blues, is‘ da Blues …
An jed’n guad’n Må, den i‘ net 'küsst håb
Is‘ da Blues, is‘ da Blues, is‘ da Blues …

Wenn ma‘ Grantigsein zum Stil måcht
Und dem Wåhnsinn no ins G’sicht låcht
Is‘ da Blues, is‘ da Blues, is‘ da Blues …

A wårmes G’füh‘, wås långsåm koit wird
Is‘ da Blues
Wånn ma g’spürt, dass ma‘ scho‘ oid wird
Is‘ da Blues

Wenn wer vom Leid der Ånder’n profitiert
Und des problemlos, weu er’s ignoriert
Dånn is‘ mit Lustig Schluss
Uns bleibt da Blues

[Solo]

Die Depression, die kana mia vasau’n kånn
Is‘ da Blues, is‘ da Blues, is‘ da Blues …
Die Elegie, der imma ma vertrau’n kånn
Is‘ da Blues, is‘ da Blues, is‘ da Blues …

Mit dem Weltschmerz um die Wette
Intonierst du Frust-Sonette
Singst den Blues, jå, den Blues, jå, den Blues …

Der oide Zurn, den ma net los wird
Is‘ da Blues
Der klaane Schaß, der riesengroß wird
Is‘ da Blues
Wenn ana feststeckt in sei’m G‘fängnis
Und dånn aushaut, weil’s zwår sicher, oba z’eng is‘
Dånn is‘ mit Lustig schluss
Uns bleibt da Blues

[Refrain]
Wås ma im Leb’n imma treu bleibt
Is‘ da Blues, is‘ da Blues, is‘ da Blues …
Wås ma die Wåhrheit ins Gesicht speibt
Is‘ da Blues, is‘ da Blues, is‘ da Blues …

Wånn ma draufkommt, wås net schwer is‘
Dass des Leb’n oft ned fair is‘
Is' da Blues, jå, da Blues, jå, da Blues …

Jå dånn host eam, den Blues