I bin a klaans Beisl in da Leopoidstådt
Mi hod's imma scho' geb'n und mia war no nie fad
Vor da Chefin jetzt hod mi di Mama scho' g'fiad
Und g'schaut im groß'n Krieg, dass nix kaputtg'macht wird
Oba jetzt is grad a Zeit, die find' i kurios
Die Gäst' die bleib'n weg und i bin årbeitslos
Des Konzern-Zeitoiter, des is mei Vaderb'n
I bin a klaans Beisl und i wü' ned sterb'n

Die Zeit der groß'n Ziaga, I glaub' die is vorbei
Die Kö'narin und i, mia fadisieren uns nåch Drei.
Die Runden rennan nimma so wiars i von friah kenn'
Ma haud a Göd am Tisch, sauft sich den Lebenspartner schön
Das Monatsende dauert jetzt fia olle scho' drei Wochen
Die Stammgäst' schau'n verhärmt aus
Und tuan si schwea beim Loch'n
I hoff' dass die Zeit'n wieda leiwånda werd'n
I bin a klaans Beisl und i wü' ned sterb'n

[Bridge + Solo]
Die Musi' die wird o'draht, weu sich die Leit' beschwer'n
Des is a da Grund, warum die Schanigärt'n sperr'n
Wundert mi jo eh, dass' plötzlich jed'n Huasta hear'n
Wie traurig wird's in Wien ohne uns're Beisln wer'n

I bin a klaans Beisl und i håb scho vü g'seh'n
Nur des ned, dass die Leit' nimma ins Beisl geh'n
Di fiarcht'n si vor'm Streit'n, voa da echt'n Diskussion
Daham in ihra Matrix gibt's kaa Meinungskollision
Des Beisl woa moi Hauptwohnsitz der Volksdemokratie
Und waunn's des nimma sei' woit's
Fia wos braucht's ihr dånn mi?
I hoff' dass die Leit' boid wida g'scheida werd'n
I bin a klaans Beisl und i wü' ned sterb'n

Na! I wü' ned sterb'n!

Bitte låsst's mi ned sterb'n!

I wü' ned gern sterb'n!

Oh, na na na na!

Oh, bitte låsst's mi ned sterb'n!

Oh, na na na na!

Na! I wü' ned sterb'n!